النسر الفضى على الكرسى

أولآ : السلام عليكم ورحمة الله وبركاته

ثانيآ : بأمانه أنا شوفت إسمى ف كرسى الإعتراف قلت بس جالك الموت يا تارك الصلاه ههه ~*~

دخلت جوا الموضوع لقيت ملك الفضاء وصوره جميله تحت منه إرتحت نفسيآ .

بس إللى شوفته بعد كدا مش مريح نفسيآ بالمره ههههه ~*~

موضوع بالشكل دا معناه إنه أسلم نفسى بالزوق وبالود أفضل ههه ~*~

أنا أهووو جيت بنفسى رافع إيدى فوق راسى ... تحياتى لؤلؤه .

كويس انك سلمت نفسك
بص شوف كان مين هيجيلك ومستنى الاشاره

الحمد لله إنى سلمت نفسى بنفسى

فعلآ أسئلتك يا لؤلؤه أسئلة صاعقه مفيش شك

ونبدأ بالأسئله

*ماهو حلم طفولتك...؟ وهل تحقق هذا الحلم ... ؟

ج: كان عندى حلم وعجيب وهو إنى أكون ظابط مطافى ... بس مش إتحقق .

*ما هي نظرتك للحياة .. واقع ولا خيال .. تفاؤل ولا تشاؤم .. ؟؟

ج: ما ضاقت إلا ما فرجت ... خيال واقعى ... تفاؤل الحمد لله .

*في حياة كل شخص شي مجهول >> ما هو المجهول لك؟؟

ج: المستقبل

*متى تغضب؟

ج: بحاول دلوقتى أسيطر ع غضبى لما أحس إن ف موقف حصل معايا يستاهل غضبى وبكون زى البركان بس بهدى بعدها بوقت قليل .

*ومتى تحزن ؟

ج: لفراق الحبايب ... ولما أعمل جهد ف شئ ومش مكتوبلى أشوف نتيجة الجهد دا ... وضياع الفرص ... وحاجات تانيه كتير .

*ومتى ترضي ؟

ج: لما حاجه ع أكمل وجه ولما يومى يعدى عليا زى ما أنا عايز بنسبه 90 ف الميه .

*ومتى تفرح ؟

ج: بفرح لما ألاقى الناس اللى بحبهم حوليا وفرحانين وبالذات لو أنا سبب ف فرحهم .

*وإيه رايك في:-

الطموح: شئ هايل بيربى ف الشخص روح التحدى والعزيمه لتحقيق طموحه وأهدافه .

المستقبل: شئ مجهول وهو بكره المستخبى سواء حلو أو وحش .

الماضي: ذكريات فاتت سواء حلوه أو وحشه بتكون ف طى النسيان .

الحاضر: نعمه من الله لازم نستغلها ف كل حاجه حلوه عايزين نعملها .

الشعر: شئ مش محبب ليا بس هو وسيله لبعض الناس بتفضفض بألامها وفرحها من خلالها .

الوطن: هو الأرض إللى شالتلنى وشايلانى لحد إنهاردا ومخليه ليا عنوان وكيان .

منظر غروب الشمس: جميل جدآ وف نفس الوقت بتغرب معاها حاجات جميله جدآ بتظهر تانى مع شروق الشمس .

الحياة: كوبرى مليان محطات كله خيارات ف إيد كل بشرى .


الموت: هو مكتوب علينا وهيجيلنا مهما عشنا ... وبياخد أعز الحبايب مننا .


الحقيقة : مررره بس مطلوووبه بكل تأكيد .


الخيال: عااالم جميل جدآ أتمنى شخصيآ أعيش فيه لفنره .


*ايام الطفوله انتهت حقيقتيها وبقى خيالها
متى تتذكر طفولتك ومتى تسأل نفسك عنها؟

ج: لما أشوف أو يحصلى موقف يفكرنى بذكرى ليا زمان ... أو من خلال شخص ... أو من خلال مكان كل دا ممكن يفكرنى بذكرى جميله وأنا صغير .

*إذا استعرضنا معـــــًا أجمل محطاتك في :الطفولة الشارع .الاصدقاء، الدراسة
فماذا سنجد في جعبتك من مواقف لم تزل قائمة في الذاكرة ؟؟؟

الطفوله فهو إنى زورت كل الأولياء الصالحين مع جدتى الله يرحمها ودا شئ أفتخر بيه ... الشارع فهو كميه الحوادث إللى حصلتلى بالعجله بتاعتى وكتير منها حوادث فكاهيه ... الدراسه فهو لما كنت ف 5 إبتدائى وسمعت سوره قرآنيه كامله وصقفولى جامد وقتها والموقف دا بيساندنى كتير ف أوقات .

*اكثر دولة عربية تحبها .. ونفسك تزورها ( ------- -------)

ج: فـــلـــســـطـــيـــن

*هل من وجهة نظرك الشخصيه أخذ الشاب العربي فرصته
الكامله للمشاركة في رقي
الوطن ؟ (دا فعلآ سؤال عالى جدآ منك يا لؤلؤه)

ج: ع مقياس إدراكى وعقلى وخلفيتى ف الموضوع دا فأفتكر ف الوقت الحالى الظروف والتغيرات والتكنولوجيا إللى بتدور حول الشاب العربى أفقدته حتى إنه ينمى بداخله روح الوطنيه وتقدير معنى كلمه وطن وبكدا المجتمع نفسه مش إداله فرصه إنه يحاول المساعده ف رقى الوطن إلا بعض الشباب منهم ربى يحميهم حاولوا وحققوا حاجات بالفعل .

*هل أنت وطني أم مواطن ومالفرق بينهما من وجهة نظرك ؟

ج: أفتكر إنى خليط بين الإتنين فيا وطنيه بشكل مخفى ومواطن عادى ف بلده ... والفرق بينهم إن الوطنى هو إللى بيغير ع بلده وبيحاول وبيفكر دايمآ إنه يشوف وطنه أجمل الأوطان وتقليل الفساد فيها ... أما المواطن فهو مواطن عايش ف بلده ومنتسب ليها له حقوق وعليه واجبات وعايش حياته مع شغله وبيته ليس إلا تقريبآ .

* اذا اعطيتك هذه الأشياء لمن ستهديها ( من اعضاء المنتدى )

- سيارة موديل2009 >>> لنفسى بما إنى من أعضاء المنتدى ههه ~*~

- باقة ورد لونه احمر >>> ههدي كل ورده من الباقه لشخص ف المنتدى هنا .

- دعوة للعشاء لعضوين >>> ههديها لـ لؤلؤه وقطره مطر وكدا يكونوا إتنين .

- لقب الصديق >>> العاشقه الحائره .

- عطر >>> البرنسيسه لإنها وقفت معايا وقالت لا للتعذيب ههه .

- ساعة >>> مشتاق للكعبه .

* كم عمرك على النت؟

ج: أفتكر 4 سنين .

*أين تجد نفسك مع نفسك ومتى ؟

ج: لما أكون بين إيد ربنا وقت صلاه ووقت التدريب .

لمن تقول هذه الكلمات.

الحياة ما انتهت بعد.. لكل شخص فاقد للأمل .

الحياة اخذ وعطاء.. للى واخدينها عافيه وعايزين كل شئ يكون ف إيديهم بسهوله .

وينك من زمان.. لشخص بحبه وبعد عنى وظهر بعد مده كبيره .

ياخسارة حبي فيك.. مش لحد .

كفيت ووفيت.. لشخص كان نمره واحد ف حياتى كنت لما أقع هو يفوقنى من جديد .

امنيتي اشوفك سعيد.. لكل الناس إللى بحبهم من قلبى وأولهم أمى وأبويا .

يعجبني جنونك.. مش لحد بس أتمنى أعرف حد مجنون ف تصرفاته بجد .

ونعم الاخلاق.. مش عارف .
الله يهديك.. صاحب ليا نفسى إنه يبطل سجاير .
استمر في عطائك ..... لشخص خدوم وبيحب الناس .
أشكرك جزيل الشكر ....... لشخص خدمنى خدمه كبيره .
قلم مميز و رائع ...... لمقال أعجبنى .
راجع نفسك قليلا....... لشخص تايه ف حياته .

* أكثر حاجة بتفهم فيها ؟؟

ج: الكمبيوتر

*حاجة أتعلمتها عمرك ما تنساها ؟؟

ج: إنى مش أثق ف حد بسهوله بالمره .

*من الحياة ..ماذا تعلمت ؟؟

ج: لا تراجع ولا إستسلام إن قررت شئ فعليك تحقيقه بكل ما أوتيت من عزيمه وتحدى .

*فصيله دمك

ج: O

*اكثر شي تخاف منه

ج: المستخبى ف بكره .

*اكثر شي تحبه

ج: كل حاجه جميله ف حياتى .

*اكثر اكله بتحبهااااا

ج: المكرونه البشاميل .

*شي بتعملو يومياااا

ج: بصحى من النوم ههه .

*لما تكووون مضايق ومهموووم مين يجي بباليك ؟؟ تروح لميين ؟؟

ج: ربنا ... لنفسى بين إيد ربنا هو الوحيد إللى هيسمع همومى ويهون عليا .

*تخيل عايز فانوووووس السحــــــــــري وحكيته وطلعلك مــــــــــارد ...
قالك شبيك لبيك شهمورش بين ايديك لك ثلاث امنيااااااااااات وعلي اني
احققاها مهما كانت صعبه ومستحيله ,,,
ايه الثلاث الامنيات اللي بتطلبها منه؟؟

ج: هتمنى أمنيه بالتلات أمنيات وهو إنه يرجع مترح ما جه ... لإن حقيقى إللى بييجى بالسهل بيروح بالسهل .



* تذكرة سفر مجانية من عزيز .. أي بقاع الدنيا تختار ؟

ج: الصين .

* لو رجع الزمان الى الوراء حوالي 7 سنين ماالأحداث التي تتمنى أنها لم
تحصل؟
على الصعيد الشخصي و العربي ؟؟!!

ج: ع الصعيد الشخصى مش هقدر أقول أى حاجه مع كل أسفى ... وع الصعيد العربى إن كل قرار تم إتخاذه بإنه ف صالح مصر والوطن العربى ظاهريآ بإنه كان يلغى من قبل ما يكون علنى .

* ماهي العقبه التي تتمنى انها تبتعد عن حياتك ؟؟

ج: نفسى الأماره بالسوء بس مش تبعد لإنها مش هتبعد بس إنى أسيطر عليها بالكامل .

*ما هي الخطوط الحمراء في حياتك الي ماتحب ولا تسمح بأن يتعداها أحـد ؟؟

ج: إنه يقتحم خصوصياتى بشكل مش حلو .

*ضع الكلمه المناسبه بعد العبارات التاليه

اصعب مافي الحياه....... خيانة الصديق .


أحلى مافي الحياه........ الصداقه لأجل الصداقه .


الذ مافي الحياه......... التهور بجنون .

أسوء مافي الحياة........ الظلم .



*ايه لون عيونك؟

ج: عسلى .

*عبارة نسمعها ( الطيب ماله مكانه في هذي الدنيا ) رايك فيها ...؟ ايه

ج: الطيب إللى ع نياته راحت أيامه ف الوقت دا وإن كنت طيب فكن شديد الحذر .

*متى تقول لا وبدون تفكير ,, ومتى تقول نعم وبدون تفكير ,,
بمعنى " لا " و" نعم " قطعياً ...

ج: لا وبدون تفكير ع شئ أنا رافض مبدأه بشكل مش فيه أى جدال مهما حصل .
ونعم وبدون تفكير لما ألاقى شخص قريب منى وبحبه محتاج مساعدتى أيآ كانت .

*منصب تتمنى أن تصل إليه وماهو ؟

منصب أحقق فيه ذاتى .

*عمل في خيالك منذ زمن تتمن ان تقوم به وماهو ؟

مادام ف خيالى يبقى هو حاجه كبرتها ف خيالى وإنى أنقذ كل إللى أقدر أنقذه من حاجه وحشه ممكن تحصله .

*سر تكتشفه لاول مرررره ؟

بما إنه سر يبقى مش هقدر أقوله . ولو سر بمعنى إنه حاجه فيا وإكتشفتها فيا فهو إنى لو صممت من قلبى ع شئ هحققه مهما حصل .

*اي من الأمور التالية ترى صعوبة التخلي عنها في حياة الإنسان (علماً بأن
جميعها يصعب التخلي عنها فيرجى اختيار الأكثر صعوبة):
الخيال (أحلام اليقظه) التفكير الصامت

الأسرار الحرية
الكرامة

المباديء

ج: المبادددئ ... لإنه الشخص بدون مبادئ بيكون بدون عنوان والمبادئ هتخلينى أحافظ ع كرامتى وتدينى حريتى ف إختيار الصح وتسمحلى بالتفكير ف الصالح ليا وتخلقلى أسرارى الخاصه ف إختياراتى .

*أيهما أجمل المرأة في الواقع أم في الخيال!!

مش فاهم السؤال بجد .

*حلم تسعى الى تحقيقه بكل ما اوتيت من جهد.؟

لسه مش ظهر ف حياتى الحلم إللى أسعاله بكل جهدى .

علشان تبقى توافق ياحلو وتأيد انى
الصاعقه >>> وافقت بالعشره ههه

ومعلش ع تأخير ردودى ع الأسئله لؤلؤه

تحياتىىى ~*~

يسلمووو عروسة البحر ع أسئلتك ومرورك .

.1ايه اكتر مادة كنت بتحبها وانت في المدرسة وليه؟

ج: مادة علم النفس ... عشان من خلالها أقدر أقرب من الناس وأحس بيهم .

2.ايه اكتر مادة كنت بتكرهها وانت في المدرسة وليه؟

ج: مش بكرهها بس مش كنت بحبها وهى الفرنساوى ... عشان مش إتأسست فيه صح ومفيش حد حببنى فيه فكان بالنسبالى رخم وصعب .

3.فاكر اول مرة فيها اضربت فيها في المدرسة وليه ؟

ج: المره إللى أنا فاكرها كانت من ناظر المدرسه نفسه ههه ... عشان كان ف تفتيش مفاجئ ع الكشاكيل بتاعت الواجب ومش كنت مجهزها .

4.لو كسبت مبلغ كبير هتعمل ايه به ؟

هستخدمه بحكمه وأقضى بيه إحتياجاتى وحياتى هتستمر كإن المبلغ إللى كسبته دا مش جالى أصلآ

5.عايز مصر يبقى شكلها ازاي

عدل ومساواه بين الناس والحكومه المفتريه ... ومش هقول نفسى كل الناس يكونوا خير ... بس نفسى الظلم ونفوس الشر تقل بنسبه كبيره ... والناس إللى ممكن تعمل أى حاجه عشان تكسب فلوس وبتكون حاجات غلط يعرفوا إنهم زى الحيوان إللى ممكن يعمل أى حاجه عشان عضمه أتمنى يفوقوا بجد ... وقتها مصر هتكون بلد الأمن والأمان بحق وحقيقى .

تحياتى عروسه البحر .